විදුහල්පති පණිවිඩය
හප්පිටිය කනිෂ්ඨ විද්යාලය

1905 වර්ෂයේ ආරම්භ වූ ගා/ හප්පිටිය කනිටු විදුහල කීර්තිමත් ඉතිහාසයක් ඇති වර්තමානය වන විට 1 – 11 දක්වා පන්ති පැවැත්වෙන පාසලකි. වර්තමාන පාසල් වර්ගීකරණය අනුව 2 වන කාණ්ඩයේ හුදකලා පාසලකි.
මෙම විද්යාලයේ දරුවන් තුළ ඉතාම හොඳ විනයක් පවතී. සුහදශීලීව වැඩ කළ හැකි වාතාවරණයක් පවතී. සිසුන් හා ගුරුවරු ඉතාම සැහැල්ලුවෙන් මානසික පීඩනයකින් තොරව ඉගෙනුම් ඉගැන්වීම් කාර්යයේ නිරතව සිටිති. දක්ෂතා සහිත දරුවන් සිටින ප්රතිඵල ඉහළ මට්ටමක පවතින පාසලක් ලෙස මෙම පාසල හැඳින්විය හැකිය. දෙමාපියන්ගේ සහයෝගය පාසලේ සංවර්ධන කටයුතු වලට ලැබී ඇත.
විද්යාලයේ ගුරු භවතුන් තම කාර්යය නිසි පරිදි ඉටු කරන අතර ප්රතිඵල ඉහළ නැංවීමට දැඩි වෙහෙසක් දරයි. මෙම පාසලෙහි හිටපු විදුහල්පතිතුමන්ලාගෙන්ද, කලාප අධ්යාපන අධ්යක්ෂක තුමා ඇතුළු අධ්යක්ෂකතුමන්ලාගෙන්ද, කොට්ඨාස අධ්යාපන අධ්යක්ෂක තුමා ඇතුළු කාර්ය මණ්ඩලයෙන්ද, ගරු උපදේශක වරුන්ගෙන්ද, ලැබෙන සහයෝගය විද්යාලයේ ප්රගතියට හේතු වී ඇත.
අප විද්යාලය සමග සම්බන්ධ විවිධ පාර්ශව සමග අදහස් හුවමාරුවේදී හා තොරතුරු හුවමාරුවේදී මෙම වෙබ් අඩවිය ඵලදායී ලෙස යොදා ගැනීමට හැකි වනු ඇතැයි මා විශ්වාස කරමි. අප විද්යාලය සමග සම්බන්ධ සියළු පාර්ශවයන්ට අප පාසල් බෙව් අඩවිය සමග සම්බන්ධ වී පාසලේ උන්නතියට සහයෝගය දක්වන මෙන් ආරාධනය කර සිටිමි.
මෙම කර්තව්ය සාර්ථක කර ගැනීම සඳහා උරදුන් සැමට මාගේ හෘදයාංගම ස්තූතිය පිරිනමන අතර දරු දැරියන්ගේ යහගුණ මෙන්ම අධ්යාපන කටයුතු දිනෙන් දින වර්ධනය වේවා යි ප්රාර්ථනා කරමි.
විදුහල්පති,
හප්පිටිය කනිෂ්ඨ විද්යාලය