Sinhala
English
Tamil
- සියලුම සිසුන් උදෑසන 7.25 වන විට පාසලට පැමිණ සියළු පිරිසිදු කිරීම් සිදුනිම කර තිබිය යුුතුයි.
- සම්පූර්ණ නිළ ඇඳුමෙන් සැරසී පාසලට පැමිණිය යුතුයි.
- 7.25 ට සීනුව නාද වීමෙන් පසුව සංගීත කණ්ඩයක් වාදනය වන අතර එය වාදනය වන අතරතුර ළමුන් රැස්වීම පවත්වන ස්ථානයට ගොස් පේළි සෑදිය යුතුයි.
- උදෑසන ආගමික වතාවත් හා ජාතික ගීතය පාසල් ගීතය වාදනය වන විටත් හවස ඡත්ථමානවක ගාථා වාදනය වන විටත් සිසු දරුවන් ගුරු භවතුන් අනධ්යයන කාර්ය මණ්ඩලය හා පාසල තුළ රුදී සිටින සියලු දෙනා ස්වකීය කාර්යභාරයන්ගෙන් වැලකී එම කටයුතුවලට ගෞරවයෙන් හා සක්රීයව සහභාගී විය යුතුය.
- විවේක කාලය අවසානයේ භාවනාවක් විකාශනය වන අතර එහිදී සිසුන් තමන් සිටින ස්ථානයේ සිටම ඒ සඳහා සහභාගී විය යුතුයි.
- විවේක කාලයේදී හැර අන් සෑම වෙලාවකම පන්ති කාමර තුළම රැදී සිටිය යුතුය.
- යම් කිසි අවශ්යතාවයකට පන්ති කාමරයෙන් පිටතට යා හැක්කේ එකවර එක් ශිෂ්යෙයකුට පමණි. එසේ යන විට සිසු අවසර පත්රය රැගෙන යා යුතුයි.
- යම් වැඩසටහනක් නිසා සිසුන්ට අහිමි වන අධ්යයන කාලය 1.30 න් පසුව ලබ ගනු ලැබේ.
- කාණ්ඩ විෂයයන් සදහා වෙනත් ස්ථානයකට යනවිට හා නැවත පන්තියට පැමිණෙන විට පේලියට යා යුතුය. එක් එක් විෂයට අදාල සිසුන්ගේ නාමලේඛනයක් විෂය භාර ගුරුවරයා විසින් පවත්වාගනෙ යා යුතු අතර සහභාගී වූ /නොවූ බව සටහන්කොට විෂය නායකයා/නායිකාව මගින් පන්තිභාර ගුරුවරයා වෙත යැවිය යුතුය. අවසාන කාලච්ඡේදයේ කාණ්ඩ විෂයයන් සදහා පිටත්ව යන්නේ නම් එම ස්ථානවල සිටම ගාථා ගායනා කොට පාසලෙන් බැහැර විය යුතුය.
- සෑම සිසුවෙක්ම කුමන හෝ විෂය භාහිර ක්රියාකාරකමකට සහභාගී විය යුතුය.
- පාසල පැවැත්වෙන කාලය අතරතුර කිසිදු දෙමාපියෙකුට අවසරයකින් තොරව පාසලට පැමිණිය නොහැකියි.
- දරුවන්ට මතුවන ඕනෑම ගැටළුවක් ප්රථමයෙන් පන්තිභාර ගුරුවරයාට දැනුම් දිය යුතුය. අදාල ගුරුවරයා නොමැති අවස්ථාවක පමණක් අංශ භාර හෝ විෂය භාර ගුරුවරයාට දැන්විය යුතුය.
- පාසල් වේලාව තුල කවර හෝ බාහිර අයෙකු සමග සබදතා පැවැත්වීම තහනම් වේ.
- පාසල් අධ්යාපන ක්රියාවලියට අදාල නොවන පුවත්පත් ඡායරූප , ලිපි, ජංගම දුරකථන, සංයුක්ත තැටි වෙනත් උපකරණ රැගෙන ඒම හා ළග තබා ගැනීම සපුරා තහනම් වේ. එබදු දෑ ළග තබාගෙන අසුවුවහොත් පාසලෙන් නිල වශයෙන් අස්වී යනතුරු ආපසු ලබා දෙනු නොලැබේ.
- පාසල් අධ්යයන කාලය තුල අවසරයකින් තොරව කිසිදු ක්රීඩා පුහුණු කටයුත්තකට සහභාගී වීමට අවසර නොලැබේ. ක්රීඩා ඇදුම් සහිතව ක්රීඩා පිටියේ හැර වෙනත් කිසිදු ස්ථානයක රුදී නොසිටිය යුතුය.
- විවේක කාලය අවසන් වූ වහාම තම පන්ති කාමරයට පැමිණිය යුතුය
- පාසලේ හා පන්තිකාමරයේ උපකරණ ආරක්ෂා කළ යුතුය. ඉදල් කොසු ආදිය පිරිසිදු කිරීමෙන් පසු අදාළ ස්ථානයක ගෙනවිත් තැබය යුතුය. මේ පිළිබද සොයා බැලීම පන්තිභාර ගුරුතුමාගේ පන්ති නායක නායිකාවන්ගේ අදාල ශිෂ්ය නායක නායිකාවන්ගේ වගකීමකි.දරුවෙකු දින දෙකකට වඩා පාසලට නොපැමිණෙන්නේ නම් දෙමාපියන් විසින් පන්තිභාර ගුරුතුමාට දැනුම් දිය යුතුය. දින තුනක් ඉක්මවා නොපැමිණෙන්නේ නම් භාරකරුවන් පාසලට පැමිණ පන්තිභාර ගුරුතුමා වෙත භාරදිය යුතුය.
- පාසල නියෝජනය කිරමින් සහභාගී වන ඕනෑම අවස්ථාවකට පාසල් නිල ඇදුමෙන් සහභාගී විය යුතු අතර පාසලේ ගෞරවය ආරක්ෂා වන පරිදි හැසිරිය යුතුය.